Во ООУ “Ванчо Николески” – Лескоец, традиционално се одбележа Денот на шегата, 1-ви Април како од наставниците и учениците од централното училиште во Лескоец, така и од подрачните училишта во Косел, Куратица и Ливоишта.
Сите ученици се маскираа со многу креативни, разновидни маски и направија дефиле од училишниот двор до центарот на селото. Ученици од деветто одделение беа маскирани како зет и невеста и музичари на свадба и свиреа на тапани и хармоники и играа ора.
По дефилето на маските следуваа спортски игри за учениците од четврто до деветто одделение организирани од наставниците по физичко и здравствено образование. Учениците се натпреваруваа во влечење јаже, скокање во вреќи, носење јајца во лажица и јадење слатки.
Со различните активности учениците ја развија креативноста, го зголемија натпреварувачкиот дух и се забавуваа.
ООУ "Ванчо Николески" Лескоец, Охрид 