По повод Детската недела која се одбележува секоја година во првата полна недела од месец Октомври, оваа година во нашето училиште, ООУ „Ванчо Николески“, се реализраа низа активности под мотото „Јас и светот околу мене“.
Одбележувањето на детската недела во нашето училиште започна на 2-ри Октомври, кога на одделенскиот час сите на сите ученици им беше прочитана Конвенцијата за правата на детето при ООН, со посебен акцент на детето и на неговите права предвидени во законските регулативи имплементирани во нашата држава.
На 3 Октомври, кога е и Светскиот ден на детето, учениците од I до V одделение во Лескоец изведоа еколошка акција во училишниот двор и блиската околина под мотото: „За почист и подобар свет“. Истиот ден имаше и работилница за изработување плакати за почист свет.
Во подрачното училиште во Косел истиот ден учениците од I-V одделение преку игра и разни цртежи ги пренесоа своите чувства и мисли, ги насликаа убавините на нивната околина.
Активностите продолжија на 4-ти Октомври, кога учениците од III одделение заедно со нвните наставнички пред Охридското Езеро учеа преку игра и слободно твореа во природата. Преку цртеж ги искажуваа своите мисли и чувства, а преку песна својата среќа и задоволство.
Истиот ден пак учениците од V одделение покажаа како се грижат за себе, како знаат да се натпреваруваат, а притоа да се забавуваат. Ја покажаа нивната умешност во врзување врвки.
На 5-ти Октомври се во училишниот хол во Лескоец и во ПУ во Косел одржа кратка приредба по повод Светскиот ден на учителот. Учениците изработија цртежи за нивните наставници и напишаа песнички, што ги прочитаа пред останатите ученици и колективот во училиштето, а исто така настапија со неколку песнички во истиот контекст. „Добриот наставник е како свеќа – се троши самиот себе за да го осветли патот на другите“ – Мустафа Кемал Ататурк.
Последниот ден од Детската недела беше збогатен со приредби и во централното училиште во Лескоец, но и во подрачните училишта во Косел и Куратица. „Запејте деца на светот“ ,„Овој свет, еден и единствен“ ,„Ајде, рака да си пружиме“, „Две рачички со десет прсти имам деца јас“, „Имам право на …“, беа само дел од песничките што беа испеани и одиграни. Учениците кажаа каков свет сакаат да имаат, каков свет тие ќе градат. А најмалите, првачињата и во Лескоец, и во Косел и во Куратица го одбележаа приемот во ДЕТСКА ОРГАНИЗАЦИЈА и ветија дека секоја задача со леснотија ќе ја решат.
ООУ "Ванчо Николески" Лескоец, Охрид 