ОВДЕ УЧЕШЕ ТАТКО МИ – СЕГА УЧАМ ЈАС. УТРЕ ЌЕ УЧАТ МОИТЕ ДЕЦА. ОВА Е НАШ ДОМ
Учениците од нашето училиште се вклучија во одбележување на 1 Април – Денот на шегата.
Спортски игри, смеа, изработка на маски, погодување гатанки, избор на најубава маска беа само дел од активностите во кои учениците уживаа .
Со учениците од прво, второ и трето одделение од Лескоец, како и со сите ученици од одделенска настава во ПУ Косел и ПУ Куратица се реализираше прекрасна и интерактивна едукативна работилница посветена на заштита на животната средина, одржана од волонтер од Црвен крст.
По повод Денот на пролетта, учениците од училиштата во Лескоец, Косел и Куратица реализираа активности за чистење на околината.
Да ја чуваме природата – денес, утре и секогаш!
Ученици и наставник од нашето училиште учествуваа во садење на 850 садници и креирање на Сончева гора над гимназијата во Ресен. Пошумувањето беше овозможено од Man and Mountain во соработка со општина Ресен, локалниот тим на Македонски шуми и Костал.
Засега, најнепосредниот начин да придонесеме кон намалување на загадувањето на воздухот и борбата со климатските промени е садењето на дрвја, а растењето на генерации кои ја сакаат природата и разбираат врската помеѓу нејзиното одржување и нашето здравје е круцијално за секаков тип на напредок.
Благодарност до нашите многу вредни ученици и наставничката во пензија Елена Ел Нади за поддршката 
На 28.03.2026 нашето училиште беше домаќин на регионален натпревар по географија, во кој учествуваа 24 ученици од училиштата од Охрид, Струга и Ресен.
Со гордост ги споделуваме извонредните успеси на нашите ученици и тоа: 
Никола Чулчески VI одд.– освоено I место
Ева Ѓузелоска IX одд– освоено I место
Тамара Зенгоска IX одд. – освоено III место
Овие резултати се плод на нивната посветеност, знаење и љубов кон географијата, како и посветеноста на нивниот ментор, наставничката по географија Tanja Pucoska Bunceska.
Упатуваме искрени честитки до учениците и менторот за нивниот успех, а воедно им посакуваме уште многу успеси и достигнувања и на државниот натпревар!
На општинскиот натпревар по англиски јазик што се одржа на 14 март 2026 година, нашите ученици постигнаа солидни резултати:
Евгенија Стојаноска (IХ одд.) – II награда (ментор: Александра Николовска )
Симона Котоска (VIII одд.) – III награда (ментор: Елисабета Настоска)
Ема Коталеска (VI одд.) – III награда (ментор: Елисабета Настоска)
Алек Грнчески (VII одд.) – пофалница за учество (ментор: Елисабета Настоска)
Учениците со освоени награди се пласираа на регионалниот натпревар.
Им честитаме на учениците и менторите, со желба за успех на регионалниот натпревар!
Нашето училиште започна со подготовка за општинскиот натпревар по Прва помош, што ќе се реализира на 17.04.2026 во организација на Црвен крст Охрид.
Во рамки на секцијата “Прва помош” која ги подготвува учениците за претстојниот општински натпревар по Прва помош, беше реализирана дисеминациска работилница за Движењето на Црвен крст и Црвена полумесечина.
Преку презентација, интерактивни вежби, видео и дискусија, учениците се запознаа со Историјатот на Црвениот крст, основоположникот Анри Динан, принципите, значењето на амблемот и компонентите на Движењето.
Посебен акцент се стави на волонтирањето, особините на волонтерот, како и придобивките од волонтирањето што се однесуваат на личен раст и развој на волонтерот, на помош во заедницата, а не на материјална придобивка.
Учениците беа заинтересирани и се мотивираа за вклучување во волонтерски активности и во стекнување знаења и вештини за Прва помош и спасување животи.
Оваа година секцијата “Прва помош” во нашето училиште ја води наставничката Емилија Блажеска, а дисеминациска сесија со учениците ја реализираше педагогот на училиштето и воедно дисеминатор за Црвен крст, Весна Терзиоска.
На општинскиот натпревар по географија што се одржа на 28.02.2026 год. (онлајн), нашите ученици постигнаа одлични резултати и тоа:
Никола Чулчески VI одд.- II место
Ева Ѓузелоска IX одд. – I место
Тамара Зенгоска IX одд. – III место
Ментор на сите ученици беше наставничката Татјана Пуцоска Бунчевска.
На учениците им го честитаме постигнатиот успех и им посакуваме голем успех и на регионалниот натпревар !
На општинскиот натпревар по Природни науки кој се одржа онлајн на 27.02.2026, нашите ученици постигнаа солидни резултати и сите продолжуваат на регионален натпревар.
Природни науки IV одд.:
Бојан Сидороски – III награда
Ментор: Елизабета Јанеска
Ангела Василеска – III награда
Јоана Рошкоска – III награда
Петар Бакрески – III награда
Ментор: Јасна Бадалоска
Природни науки V одд.:
Кирил Деловски – I награда
Ева Илијовска – III награда
Меланија Ристеска – III награда
Тео Тодороски – III награда
Ментор: Габриела Ѓоргиевска
Природни науки VI одд.:
Адријана Китаноска – III награда
Меланија Јанеска – III награда
Ментор: Габриела Ѓоргиевска
Честитки за нашите ученици и нивните ментори за вложениот труд, посветеност и постигнат успех
На сите им посакуваме уште поголеми успеси на регионалниот натпревар!
Учениците од подрачното училиште во Косел и Куратица беа опфатени со едукативна работилница за почиста животна средина, која ја реализираа волонтери од Црвен крст.
Учениците научија дека е голема штетата од загадувањето, како треба да се чува природата и кои се придобивките од селектирање отпад
ООУ "Ванчо Николески" Лескоец, Охрид 