Дисеминација од образовната мобилност во Охрид во рамки на проектот „Нашите приказни се наши мостови“

Учениците кои учествуваа на Еразмус+ образовната мобилност во Охрид во рамки на проектот „Нашите приказни се наши мостови“/”Our stories are our bridges” (Андреа Базгалоска, Ана Ставреска, Дејан Ванѓелофски, Тамара Зенгоска, Ева Ѓузелоска од осмо одделение, како и Иво Коталески од деветто одделение), направија дисеминација на своите впечатоци, искуства и знаења пред нивните соученици.

Секој од нив беше импресиониран од богатството на организираните активности што заедно ги реализиравме во рамки на проектот, од посетените места и институции, како и од приказните слушнати и пренесени од страна на сите вклучени во Еразмус+ програмата.

Сите ученици истакнаа дека оваа Еразмус+ мобилност беше голема можност за размена на искуства, учење нови работи, зајакнување на пријателствата, како и споделување различни приказни и културни вредности со другите учесници во проектот.

Потенцираа дека преку споделување автентични приказни ги зајакнаа изградените мостови помеѓу учесниците од трите партнер земји.

Тие ја изразија својата среќа што имаа можност да ги угостат своите пријатели од Словенија и Корчула, што беше големо искуство за нив.

Со задоволство повторно би се вклучиле во Еразмус+ активности и би сакале повторно да бидат домаќини на нивните пријатели од Словенија и Корчула (Р. Хрватска).