ООУ "Ванчо Николески" Лескоец, Охрид
ОВДЕ УЧЕШЕ ТАТКО МИ – СЕГА УЧАМ ЈАС. УТРЕ ЌЕ УЧАТ МОИТЕ ДЕЦА. ОВА Е НАШ ДОМ
👉 Учениците кои учествуваа на Еразмус+ образовната мобилност во Словенија (Тамара Зенгоска VIIa, Иво Коталески VIIIa и Ева Ѓузелоска VIIa) направија дисеминација на своите впечатоци, искуства и знаења пред нивните соученици.
👉 Ученичката Тамара Зенгоска од VIIа одделение, под менторство на наставничката Елизабета Велјаноска, учествуваше на регионален натпревар по македонски јазик, каде освои 83 бода и обезбеди пласман за државен натпревар.
👏 Им го честитаме успехот на ученичката и менторот, и им посакуваме успех на државниот натпревар по македонски јазик.
Ученичката Евгенија Стојановска од VII одделение, под менторство на наставничката Татјана Паскали, освои второ место на регионалниот натпревар по англиски јазик и се пласира за државен натпревар.
Им го честитаме успехот на ученичката и менторот, и им посакуваме успех на државниот натпревар по англиски јазик.
Денес се одржа 50-тиот општински натпревар по прва помош, во организација на Црвен крст Охрид.
Нашето училиште учествуваше со екипа составена од ученици од VII одделение, и тоа: Ева Ѓузелоска, Филип Бадалоски, Калина Ѓузелоска, Анастасија Трифуноска, Јана Аслимоска, Стефани Чулческа и Андреј Стеваноски, под менторство на наставничката Елена Ел Нади.
На регионалниот натпревар по ПРИРОДНИ НАУКИ за IV, V и VI одделение што се одржа на 05.04.2024 година, учениците од нашето училиште ги постигнаа следните резултати:
Continue reading “Одлични резултати на регионалниот натпревар по Природни науки”Во рамките на проектот „Нашите приказни се наши мостови“ на 08.04.2024 година се реализира втората виртуелна (онлајн) активност. На истата учествуваа наставници и ученици од трите земји учеснички во проектот (Македонија, Хрватска и Словенија).
Во ООУ “Ванчо Николески” во Лескоец започнаа активности за изградба на голем капитален и значаен проект за учениците од училиштето и жителите од Лескоец, а тоа е СПОРТСКА САЛА.
На регионалниот натпревар по биологија што се одржа на 29.03 2024 година, нашите ученици постигнаа забележителни резултати.
Елеонора Смическа од VIII одд. (ментор Елена Ел Нади) освои III награда.
Анастасија Димитриоска од VIII одд. ПУ Косел (ментор Љубица Ангова) – освои III награда.
Јована Крстаноска од IX одд. (ментор Елена Ел Нади) – освои II награда и обезбеди учество на државен натпревар.
На сите ученици и нивните ментори им го честитаме успехот, а на Јована Крстаноска и нејзиниот ментор Елена Ел Нади им посакуваме многу успех на државниот натпревар.
OŠ “Brezovica pri Ljubljani”
ДЕН 5 (22.03.2024)
Последниот ден од образовната мобилност ни започна со посета на културниот центар “Цанкариев дом” во Љубљана, следење на претставата за добриот крал Matjaž. Учесниците имаа можност да бидат сведоци на прекрасна изведба на професионалната раскажувачка и писателка за деца Anja Štefan и да уживаат во раскажувањето и музичкото уживање кое ја оживува традицијата и промовира позитивни животни вредности.
Денот на шегата и смеата одбележан во училиштата во Лескоец, Косел и Куратица со маски, смеа, шеги и спортски игри. Априли ли ли!
ООУ "Ванчо Николески" Лескоец, Охрид 