ООУ "Ванчо Николески" Лескоец, Охрид

Уште една генерација деветтоодделенци успешно го завршија основното образование во нашето училиште.

Им беа врачени свидетелствата за завршено основно образование, а за првенец на генерација 2023/24 е прогласена ученичката Теодора Тодороска.

Се надеваме дека моментите поминати во училишните клупи, знаењата и вештините стекнати низ училишните денови, пријателствата градени низ годините, вредностите секојдневно негувани – ќе им бидат добар почеток за полесно и успешно справување со предизвиците што ги сервира животот.

Им посакуваме здравје, среќа и успех во понатамошното школување на нашите ученици, и во животот воопшто!

На државниот натпревар по Природни науки што се одржа на Природно – математичкиот факултет во Скопје на 15.06.2024 година, ученичките Анита Илијовска и Ана Деловска од V одделение под менторство на наставничката Габриела Ѓоргиевска, освоија lll награда

Им го честитаме успехот на ученичките и менторот, со желба за уште успеси во иднина

Во рамките на проектот „Нашите приказни се наши мостови“ на 19.06.2024 година се реализира третата виртуелна (онлајн) активност. На истата учествуваа наставници и ученици од трите земји учеснички во проектот (Македонија, Хрватска и Словенија).

Continue reading “Трета виртуелна активност од Еразмус+ проектот „Нашите приказни се наши мостови“” →

 Учениците кои учествуваа на Еразмус+ образовната мобилност на островот Корчула во рамки на проектот „Нашите приказни се наши мостови“ (Андреа Базгалоска, Ана Ставреска и Дејан Ванѓелофски од седмо одделение), направија дисеминација на своите впечатоци, искуства и знаења пред нивните соученици.

Секој од нив беше импресиониран од убавините на островот, но и од активностите што таму заедно ги реализиравме во рамки на проектот. Сите ученици истакнаа дека ова Еразмус+ патување беше голема можност за размена на искуства, учење нови работи, стекнување нови пријателства и споделување различни приказни и културни вредности со другите учесници во проектот.

На државниот натпревар по Биологија што се одржа на 08.06.2024 година на Природно – математичкиот факултет во Скопје, нашата ученичка Јована Крстаноска од IXa одделение освои III награда.

Честитки за Јована и за нејзиниот ментор Елена Ел Нади за постигнатиот успех

Нека ги следат уште поголеми успеси во животот!

👉 Во организација на Сојузот за Училишен спорт, а со поддршка на Секторот за спорт при општина Охрид и Градоначалникот Кирил Пецаков, на 6-ти јуни 2024 година се одржа Општинско првенство по Атлетика за основни училишта за IV и V одделение.

🏃‍♀️🏃🏃‍♂️ Нашите ученици под менторство на наставникот Петар Киселинов, се закитија со два златни и еден бронзен медал, и тоа:

🥇Прво место – Марија Андреска

🥇Прво место – Павел Пуцоски

🥉Трето место – Боби Ставревски

🏆 На учениците и нивниот ментор им го честитаме успехот, и им посакуваме многу успеси и во иднина 🏆

👉На државниот натпревар по македонски јазик што се одржа на 01.06.2024 година во Филолошкиот факултет „Блаже Конески“ во Скопје, нашата ученичка Тамара Зенгоска од VIIa одделение под менторство на наставничката Елизабета Велјаноска, освои трета награда🏆🥉.

👏 На ученичката Тамара и нејзиниот ментор им го честитаме успехот, со желба за поголеми успеси во иднина👏.

👉 Во организација на Сојузот за Училишен спорт, а со поддршка на Секторот за Спорт при Општина Охрид и Градоначалникот Кирил Пецаков, на 5-ти јуни 2024 година се одржа спортската лига во Мал фудбал за основни училишта за ученици од IV и V одделение ⚽️.

Continue reading “Трето место во мал фудбал” →

Втората образовна мобилност од Еразмус+ проектот “Нашите приказни се наши мостови” се реализира во ОШ „Анте Цурач Пињац“ во Жрново, остров Корчула, Република Хрватска.

5 ДЕН (16.05.2024)

🎭 Посета на локалниот театар и гледање на претставата „Вјетропирка“ која ја играа ученици
🏠 Посета на локална етничка куќа
🎯 Изработка на е-книга со приказни кои биле заборавени и учениците ги оживеале
👉 Презентација на е-книга и научени приказни.
👌 Евалуација

Втората образовна мобилност од Еразмус+ проектот “Нашите приказни се наши мостови” се реализира во ОШ „Анте Цурач Пињац“ во Жрново, остров Корчула, Република Хрватска.

4 ДЕН (15.05.2024)

🚶 Пешачење до природно заштитено подрачје „Кочје“
📜 Приказна за Кочје – разгледување со водич
👩‍🏫 Легендата за самовилите на Кочје – народна легенда
🤝 Дебата: „Зошто се важни старите народни приказни?
⚽️ Игри