ОВДЕ УЧЕШЕ ТАТКО МИ – СЕГА УЧАМ ЈАС. УТРЕ ЌЕ УЧАТ МОИТЕ ДЕЦА. ОВА Е НАШ ДОМ
Денес се одржа 50-тиот општински натпревар по прва помош, во организација на Црвен крст Охрид.
Нашето училиште учествуваше со екипа составена од ученици од VII одделение, и тоа: Ева Ѓузелоска, Филип Бадалоски, Калина Ѓузелоска, Анастасија Трифуноска, Јана Аслимоска, Стефани Чулческа и Андреј Стеваноски, под менторство на наставничката Елена Ел Нади.
На регионалниот натпревар по ПРИРОДНИ НАУКИ за IV, V и VI одделение што се одржа на 05.04.2024 година, учениците од нашето училиште ги постигнаа следните резултати:
Continue reading “Одлични резултати на регионалниот натпревар по Природни науки”Во рамките на проектот „Нашите приказни се наши мостови“ на 08.04.2024 година се реализира втората виртуелна (онлајн) активност. На истата учествуваа наставници и ученици од трите земји учеснички во проектот (Македонија, Хрватска и Словенија).
Во ООУ “Ванчо Николески” во Лескоец започнаа активности за изградба на голем капитален и значаен проект за учениците од училиштето и жителите од Лескоец, а тоа е СПОРТСКА САЛА.
На регионалниот натпревар по биологија што се одржа на 29.03 2024 година, нашите ученици постигнаа забележителни резултати.
Елеонора Смическа од VIII одд. (ментор Елена Ел Нади) освои III награда.
Анастасија Димитриоска од VIII одд. ПУ Косел (ментор Љубица Ангова) – освои III награда.
Јована Крстаноска од IX одд. (ментор Елена Ел Нади) – освои II награда и обезбеди учество на државен натпревар.
На сите ученици и нивните ментори им го честитаме успехот, а на Јована Крстаноска и нејзиниот ментор Елена Ел Нади им посакуваме многу успех на државниот натпревар.
OŠ “Brezovica pri Ljubljani”
ДЕН 5 (22.03.2024)
Последниот ден од образовната мобилност ни започна со посета на културниот центар “Цанкариев дом” во Љубљана, следење на претставата за добриот крал Matjaž. Учесниците имаа можност да бидат сведоци на прекрасна изведба на професионалната раскажувачка и писателка за деца Anja Štefan и да уживаат во раскажувањето и музичкото уживање кое ја оживува традицијата и промовира позитивни животни вредности.
Денот на шегата и смеата одбележан во училиштата во Лескоец, Косел и Куратица со маски, смеа, шеги и спортски игри. Априли ли ли!
Првата образовна мобилност од Еразмус+ проектот “Нашите приказни се наши мостови” во Словенија
OŠ “Brezovica pri Ljubljani”
ДЕН 4 (21.03.2024)
Презентација за приказните во словенечкиот образовен систем.
Наставни методи за обработка на приказни.
Два часа за обработка на приказни.
Дискусија за “storytelling” наставни методи и техники (изработка на E – брошура за storytelling методи – прв дел).
Работилница за ученици: “Заборавени приказни” (креирање сценарио и играње улоги пред останатите ученици).
Учениците креираа E – книга со словенечки приказни – прв дел.
Македонските ученици презентираа сценарио за кратка драма (македонска народна приказна).
Првата образовна мобилност од Еразмус+ проектот “Нашите приказни се наши мостови”, реализирана во Р. Словенија.
OŠ “Brezovica pri Ljubljani”
ДЕН 3 (20.03.2024) – Светскиот ден на приказните 
Работилница за учениците: учениците креираа приказна преку поврзување серија од слики. Учениците беа поттикнувани да ја користат својата фантазија и имагинација, да размислуваат креативно за тоа како сликите можат да ги исткаат во приказна.
Одбележување на Светскиот ден на приказните како мост меѓу народите.
Патување до Постојнска Јама со воз, ново искуство за многу ученици.
Раскажување приказни за Постојнска Јама, Човечката рипка и Змејот.
Пешачење до пештерата Постојнска Јама.
Посета на пештерата Постојнска јама.
Ручек во ресторан близу пештерата.
Пешачење назад, разглед на Постојна.
Првата образовна мобилност во Словенија од Еразмус+ проектот “Нашите приказни се наши мостови”
OŠ “Brezovica pri Ljubljani”
ДЕН 2 (19.03.2024)
Работилница со учениците: “Збор по збор”, каде секој ученик додава по еден збор на приказна што заедно ја креираат.
Патување до езерото Блед, разглед на Блед.
Раскажување приказна за езерото Блед.
ООУ "Ванчо Николески" Лескоец, Охрид 