Месец: м.г

Учениците од ОУ „Ванчо Николески“ преку разни активности го одбележаа месецот на ретки болести. Во месецот со најмалку денови и месецот кој пациентите со ретки болести го викаат „свој“, учениците од ова училиште заедно со своите наставници и библиотекарот одржаа разни креативни активности под мотото „Ретки сте, ама не сте сами“. Во текот на реализираните активности учениците се запознаа со дел од ретките болести, со проблемите и предизвиците со кои се соочуваат овие пациенти и ја дадоа својата поддршка за заедницата на ретки болести. Учениците со голема мотивираност се вклучија во активностите, преку кои и ја изразија својата креативност и хуманост.

Хумани и насмеани!
Денес учениците од одделенска настава во Лескоец ја проследија претставата „Четири принцези“ во изведба на вработени од ЈУДГ „Јасна Ристеска“. Претставата беше кратка, едукативна и позитивна, „глумците“ беа весели и уникатни, со што успеаја да ја доловат приказната на Годината на интересен начин, а нашите ученици уживаа во истата.
Собраните средства од претставата се наменети за лекување на дечиња од Охрид кои во моментов се борат со тешка болест.

Во текот на септември и октомври 2019 година во ОУ „Ванчо Николески“ во Лескоец се реализираа активности од добиениот проект од УСАИД (Компонента 3 – Реновирање), во вредност од 1 200 000 денари, а се однесуваа на реновирање на сите училници, училишниот хол, како и санитарните јазли од учениците.

По иницијатива на ЕКО секцијата од ОУ „Ванчо Николески“ – Лескоец, Охрид, денес во училиштето во Лескоец, а и во подрачните училишта во Куратица и Косел, за учениците и за наставниците беше Ден на јаболкото. Сите ученици носеа јаболка за ужина, во знак на промовирање здрави навики за исхрана. Во меѓувреме се споделуваа совети за правилно консумирање на јаболкото, како и придобивки од истото. Некои од наставниците ги поврзаа и денешните наставни содржини со овошјето, јаболкото или здравата исхрана воопшто.

ОУ „Ванчо Николески” – Лескоец на 15-ти Октомври учествуваше во завршната фаза од проектот за меѓуетничка интеграција со партнер училиштето ООУ “Јунус Емре” – Лисичани, општина Пласница. Во заедничката средба која се одржа во ОУ „Јунус Емре“ – с. Лисичани, учествуваа 50 ученици и 20 наставници, истите кои учествуваа на нивната посета во ПУ Косел. Учениците водени од тандем наставници учествуваа во географска, германска, биолошко – хемиска, македонско – турска, спортска и психолошка работилница за врсничко насилство.

На 19ти септември 2019 година ОУ „Ванчо Николески“ беше домаќин на наставници и ученици од партнер училиштето „Јунус Емре“ од с. Лисичани, општина Пласница. Заедничката средба која се одржа во подрачното училиште во Косел, воедно е прва фаза од добиениот грант за Проектот за меѓуетничка интеграција, во чии рамки на оваа средба се реализираа 6 работилници, со учество на вкупно 50 ученици и 20 наставници. Учениците од двете училишта на интерактивен начин, а под водство на тандеми од наставници, учествуваа во биолошко – хемиска, географска, германска, македонско – турска, спортска работилница, како и психолошка работилница за препознавање и справување со врсничко насилство.

НЕ МЕНУВАЈ ЈА КЛИМАТА, ПРОМЕНИ СЕ СЕБЕ СИ!

Ова беше заклучокот од првата Еразмус мобилност во ОУ „Ванчо Николески“ – Лескоец, Охрид, во склоп на проектот „Clean nature – long life“.

ОУ „Ванчо Николески“ од Лескоец во периодот од 17ти – 23ти ноември 2019 година беше домаќин на 8 наставници и 16 ученици од: Полска, Сардинија (Италија), Грција и Турција. Посетата беше во рамки на проектот „Breaking barriers through sharing treasures“ или „Бришење бариери преку споделување богатства“, а Охрид беше избран да биде првиот град домаќин од проектот што ќе трае до јуни 2021 година.